.....என் கவிதைகள்.....: கள்ளினும்...

நீதான் குடித்திருக்கிறாயே
எதில் அதிகம் ‘கிக்’ ?
என ஒருபக்கம்
தலையை சாய்த்து
கேட்ட போது
ஏறியது போதை எனக்கு

நானும் உன்னுடன்
‘பாரு’க்கு வருகிறேன்
என ஏன் அழிச்சாட்டியம்
செய்கிறாய்?
வெளியிலிருந்து மது
கொண்டுவர அங்கே
அனுமதி இல்லை எனக்கூறியும் ?

ஒரேயொரு ‘சிப்’ குடித்தால்
போதையேருமா
என கேட்கிறாய்
அதெல்லாம் உன்
இதழ் ’கள்’ குடித்தால்
மட்டுமே சாத்தியம் !

முத்தமிட்டுவிட்டு
பார்ட்டிக்கு போய்
குடிச்சிட்டு வருவீங்களா ?
என ஒன்றுமே தெரியாதவள் போல்
கேட்கிறாய் !
ஏற்கனவே போதையேற்றிவிட்டு
என்ன இது கேள்வி ?

ஏங்க இப்போ
நீங்க போகத்தான் வேணுமா ?
என கொஞ்சலாக கேட்கிறாய்.
இப்படி கேட்டுக்கேட்டே
எனக்கு போதையேற்றி விடுகிறாய்
இனி எப்படிச்செல்ல
‘பார்’ருக்கு ?

இந்த ‘கள்’ எப்படி
சுவைக்கும்
என கேட்கிறாய்
கள்ளி! உன் இதழிலேயே
வைத்துக்கொண்டு
ஒன்றுமே தெரியாதவள் போல..

.....என் கவிதைகள்.....